ᐃᓗᓐᓂᐊᖅᑏᑦ ᖁᑦᑎᓐᓂᓖᑦ 9-ᒥᒃ – 11-ᒧᒃ. ᐃᓕᓴᐃᔩᑦ ᐃᑲᔪᖅᑏᓪᓗ ᑐᓐᖓᓱᑦᑐᑦ ᐱᖃᑕᐅᔪᒪᓐᓂᖅᑲᑕ.
ᑖᓐᓇ ᐃᓕᓐᓂᐊᕈᑎᓕᐊᖑᓯᒪᔪᖅ ᐋᖅᑭᔅᓱᐃᖃᑎᖃᖅᑐᑎᑦ ᑲᑐᔾᔨᓪᓗᑎᓪᓗ ᖃᒡᒋᐊᕗᑦ ᓴᓴᐃᔭᑎᒃᑯᖏᓐᓂ ᐱᓐᖑᐊᕐᓂᕐᒧᑦ ᓄᓇᕗᒻᒧ ᐊᒻᒪᓗ ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᕐᓂᕐᒥᑦ.
ᑖᓐᓇ ᐃᓄᓐᓄᑦ ᐱᓐᖑᐊᕐᓂᕐᒨᖓᔪᖅ, ᑕᑯᓐᓇᕋᔅᓴᓂᑦ ᐅᓂᒃᑳᖅᑐᐊᕐᓂᕐᒥᑦ ᐃᓕᓐᓂᐊᕈᑎᒃ ᒪᑯᓂᖓ ᖃᓄᖅ ᑯᔭᓐᓂᒃᑯᑦ ᐊᒻᒪᓗ ᐊᐃᑉᐸᖃᑦᑎᐊᕐᓂᕐᒨᖓᓪᓗᑎᑦ.
ᐅᓪᓗᒧᑦ ᐊᑕᐅᓯᕐᒧᑦ ᐃᓕᓐᓂᐊᕈᑎᒃ ᖁᑦᑎᓐᓂᓕᒻᒧᑦ 9−ᒥᑦ ᑎᑭᓪᓗᒍ 11 ᐃᓕᓐᓂᐊᕕᔾᔪᐊᕐᒥ ᐊᑐᕈᓐᓇᕐᓂᖏᓐᓂ ᐃᓄᐃᑦ ᐱᓐᖑᐊᕐᓂᕐᒥᑦ, ᐅᓂᒃᑳᖅᑐᐊᕐᓂᕐᒥᑦ, ᐱᓐᖑᐊᕐᓂᕐᒥ ᐃᓅᓱᑦᑐᐃᑦ ᓇᒻᒥᓂᖅ ᑕᑯᔅᓴᐅᑎᑦᑎᔪᓐᓇᕐᓗᑎᑦ, ᐱᓗᐊᖅᑐᒥᑦ ᖃᓄᖅ ᑯᔭᓐᓂᕐᒧᑦ ᐊᐃᑉᐸᖃᑦᑎᐊᕐᓂᒧᓪᓘᖓᑦᑎᐊᕈᓇᕐᒪᖔᑕ.
ᑕᒪᓐᓇ ᖁᕕᐊᓇᖅᑑᓇᓱᐊᖅᑐᖅ, ᓇᒻᒥᓂᖅ ᓴᖅᑭᔮᒃᑲᓐᓂᕈᓐᓇᕐᓂᖏᓐᓂ ᐅᓂᒃᑳᖅᑐᐊᕐᓗᑎᑦ, ᐃᓅᓱᑦᑐᐃᓪᓗ ᐱᕕᖃᖅᑎᑕᐅᓗᑎᑦ ᓇᒻᒥᓂᖅ ᕿᒥᕐᕈᓗᑎᑦ ᑎᒥᖏᓐᓂ ᐃᓅᓇᓱᐊᑦᑎᐊᕐᓂᒥᓪᓗ.
