Close
20ᓂᒃ ᐊᕐᕌᒎᒋᐊᕐᑐᓕᖅᑐᓂᑦ, ᑖᒃᑯᐊ ᓄᓇᓕᓄᑦ ᐊᐅᓚᑕᐅᔪᑦ ᑲᑐᔾᔨᖃᑎᒌᑦᑐᑦ ᖃᐅᔨᓴᓂᕐᒧᑦ ᐱᓕᕆᐊᓂᑦ ᑲᒪᒋᔭᖃᖅᑐᑦ ᓄᓇᓕᑦᑎᓐᓄᑦ ᐊᑑᑎᖃᕈᓐᓇᖅᑐᓂᒃ ᐃᑲᔫᑎᖃᕈᓐᓇᖅᑐᓂᓪᓗ −− ᐊᒻᒪᓗ ᑐᓂᓯᔭᐅᓯᒪᔪᒍᑦ ᑮᓇᐅᔭᖃᖅᑎᑕᐅᓪᓗᑕ ᖃᐅᔨᓵᕆᖃᑦᑕᖅᑕᕗᑦ ᐱᒋᐊᓪᓚᖁᓪᓗᒋᑦ ᖁᕝᕙᕆᐊᕐᓗᒋᑦ, ᖃᐅᔨᓴᕈᑎᒋᓲᑦᑎᓐᓄᑦ, ᐊᒻᒪᓗ ᐱᓕᒻᒪᒃᓴᖅᑎᑦᑎᔪᓐᓇᖁᓪᓗᑕᓗ ᐃᓕᓐᓂᐊᖅᑎᑦᑎᑲᓐᓂᕐᓗᑕ.
ᑖᓐᓇ ᐱᓕᕆᐊᖅ ᐱᕚᓪᓕᑎᑦᑎᑲᓐᓂᕐᓂᐊᖅᑐᖅ ᖃᐅᔨᒪᔭᐅᑦᑎᐊᖅᑐᓂᑦ, ᐱᑕᖃᖅᐸᒌᖅᑐᓂᑦ ᓄᓇᓕᑦᑎᓐᓂ ᐊᒻᒪ ᓴᖅᑭᔮᖅᑎᓪᓗᒋᑦ ᐊᖅᑯᑎᐅᔪᑦ ᖃᓄᐃᖖᒋᑦᑎᐊᓂᕐᒧᑦ ᖃᐅᔨᒪᔭᕗᑦ ᐱᓕᒻᒪᒃᓴᖃᑦᑕᖅᓯᒪᕙᒌᖅᑕᕗᑦ, ᐱᖃᓯᐅᑎᓪᓗᒋᑦ ᓄᓇᒥ-ᐃᓕᓐᓂᐊᖅᐸᓪᓕᐊᓂᕐᒥᒃ ᐱᓕᕆᐊᓕᐅᕐᓂᖅ, ᑕᑯᔅᓴᐅᓂᖓ ᐊᒻᒪᓗ ᑕᑯᕋᓐᓈᑎᑦᑎᓂᐅᔪᓄᑦ, ᐃᓄᐃᑦ ᖃᐅᔨᓴᐅᓯᖕᒋᓐᓂᑦ, ᓄᓇᓕᓂ ᐅᑉᐱᕆᔭᐅᔪᑦ ᐃᑲᔫᑎᓖᑦ, ᐊᒻᒪ ᓄᓇᕐᔪᐊᓕᒫᕐᒥ ᐱᓕᕆᖃᑎᖃᓂᕐᒥᑦ ᐅᑭᐅᑕᖅᑐᒥᐅᑕᓂᑦ.
ᐅᑯᓂᖕᒐ NEIHR ᐱᓕᕆᐊᔅᓴᖃᕐᓗᑎᒃ ᑲᔪᓯᓛᕐᓂᐊᕐᓯᒪᔪᑦ, ᑲᔪᓯᑦᑎᐊᕈᒫᖅᑐᑦ:
The NEIHR is a collective of 4 hub sites,
ᐋᖅᑭᐅᒪᕕᒃ ᐃᓚᐅᖃᑕᐅᓯᒪᔪᑦ ᐊᒻᒪ ᑐᑭᒧᐊᖅᑎᑎᓪᓗᑎ ᐊᒥᓱᒐᓚᓐᓂᑦ ᖃᐅᔨᓴᓂᕐᒧᑦ ᐱᓕᕆᔭᐅᔪᓂᑦ ᐊᕐᕕᐊᓂᑦ ᐊᕐᕌᒍᓂᑦ ᑕᓪᓕᒪᐅᓕᖅᑐᓂᑦ ᐱᖃᓯᐅᑎᓪᓗᑎ ᓱᕈᕐᓇᖅᑐᓂᑦ ᖃᐅᔨᓴᓂᕐᒧᑦ, ᓯᓚᐅᑉ ᐊᓯᔾᔨᕐᓂᖓᓄᑦ ᖃᐅᔨᓴᕐᓂᖅ, ᖃᓄᐃᓐᓂᕆᔭᖏᑦ ᓄᓇᒦᓐᓂᕐᒧᑦ ᐱᓕᕆᐊᑦ, ᐃᓄᖖᒍᐃᓂᐅᓪᓗ ᒥᓵᓄ. ᐋᖅᑭᐅᒪᕕᒃ ᑲᑎᖃᑎᖃᒐᔪᑦᑐᑦ ᐃᓐᓇᑐᖃᐃᑦ ᑲᑎᒪᔨᕋᓛᖏᓐᓂᑦ ᕿᒥᕐᕈᓪᓗᑎ ᐃᓄᓐᓄᑦ ᐊᑐᖅᑕᐅᖃᑦᑕᖅᑐᓂᑦ, ᐃᓱᒪᒋᔭᐅᔪᓂᑦ ᐊᒻᒪ ᖃᐅᔨᓴᓂᕐᒧᑦ ᐊᑐᖅᑕᐅᕙᑦᑐᑦ.
ᐊᕐᕌᒍᓂᑦ ᐊᕙᑎᐅᓗᐊᓕᖅᑐᓂᑦ, ᐃᓕᓴᖅᓯᕕᒃ ᑕᑯᔅᓴᐅᑎᑦᑎᖃᑦᑕᖅᓯᒪᔪᖅ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒻᒥ ᐃᓄᓐᓂᑦ ᐃᑲᔪᖅᑎᐅᓂᕐᒧᑦ ᐃᓕᓐᓂᐊᓂᕐᒧᑦ ᐱᓕᕆᐊᑐᐊᑦ, ᐊᒻᒪ ᓴᖅᑭᑎᑦᑎᓯᒪᔪᑦ ᐊᒻᒪ ᐊᑐᓕᖅᑎᑦᑎᓯᒪᓪᓗᑎ ᓄᓇᒦᖃᑦᑕᓂᕐᒧᑦ ᐱᓕᕆᐊᓂᑦ ᑐᕌᒐᖃᖅᑐᑎᑦ ᐃᑲᔪᖅᑐᐃᓂᕐᒥᑦᐃᓱᒪᒋᔭᐅᔪᒃᑯᑦ ᐊᒻᒪ ᑕᕐᓂᒃᑯᑦ ᐋᓐᓂᐊᖅᑐᓕᕆᓂᖅ ᓄᓇᕗᒻᒥᐅᓄᑦ ᐊᑐᖅᓯᒪᔪᓄᑦ ᖁᐊᖅᓵᓇᖅᑐᓂᑦ. ᐊᕐᕌᒍᓂᑦ 15−ᖑᓗᐊᓕᖅᑐᓂᑦ, ᐃᑦᑕᖅ ᐱᓕᕆᐊᖃᓗᐊᖅᓯᒪᔪᑦ ᐃᓄᓐᓄᑦ ᑐᑭᒧᐊᖅᑎᑕᐅᔪᑦ ᐱᖅᑯᓯᑐᖃᕐᓄᑦ ᐱᓕᕆᐊᑦ, ᖃᐅᔨᓴᕐᓂᖅ ᐊᒻᒪ ᖃᕋᓴᐅᔭᒃᑰᕈᓐᓇᖅᑐᓂᑦ ᓴᖅᑭᑎᑦᑎᓂᕐᒥᑦ. ᐃᑲᔪᖅᑐᐃᓂᖅ ᐃᓄᐃᑦ ᖃᐅᔨᒪᔭᖏᓐᓂ, ᐅᖃᐅᓯᖓᓂᑦ, ᖃᓄᐃᓘᕈᓘᔭᕈᓐᓇᕐᓂᖏᓐᓄᑦ, ᐊᒻᒪ ᖃᓄᑐᐃᓐᓇᖅ ᐋᖅᑭᔅᓯᔪᓐᓇᓂᕐᒧᑦ, ᐊᒻᒪ ᐃᒻᒥᓂ ᑲᔪᖏᖅᓯᒪᓂᕐᒧᑦ ᖃᐅᔨᓴᓂᕐᒥᑦ, ᐃᓗᓕᓪᓗᐊᑕᖏᑦ ᐃᑦᑕᖅ ᐱᓕᕆᔭᐅᔪᓂᑦ.
ᑐᔅᓯᕋᕐᕕᔅᓴᒧᑦ ᒪᑐᕕᔅᓴᓕᒃ: 2026−ᒥ ᐱᓇᔪᖕᓂᕐᒧᑦ ᐃᓱᓕᕝᕕᒃᓴᖓ ᒪᑐᓯᒪᓕᖅᐳᖅ.
ᓄᓇᕗᒻᒥ ᑐᑭᓯᒋᐊᕐᕖᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒥᑦ ᖃᐅᔨᓴᕐᓃᑦ (NU NEIHR) ᖁᕕᐊᑦᑐᑦ ᓇᓗᓇᐃᖅᓯᒍᓐᓇᕐᖓᑕ 2026−ᒥ ᐃᓕᓐᓂᐊᖅᑎᓄᑦ ᑮᓇᐅᔭᖅᑖᔅᓴᒫᓂᒃ ᐃᓄᓐᓄᑦ ᐱᔭᕇᖅᓯᒪᔪᓄᑦ ᐃᓕᓐᓂᐊᖅᑎᓄᑦ. ᑖᓐᓇ ᐊᕐᕌᒍᑕᒫᑦ ᑐᓂᔭᐅᖃᑦᑕᕋᔭᖅᑐᖅ ᐃᑲᔫᑎᐅᔪᖅ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᖓᓐᓄᑦ ᐊᑎᖃᖃᑕᐅᔪᓂᒃ ᖃᐅᔨᓴᖅᑐᓕᕆᓂᒥᑦ ᐃᓕᓐᓂᐊᕈᒪᔪᓂᒃ ᓄᓇᖃᖅᑳᖅᓯᒪᔪᑦ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ.
ᑖᓐᓇ 2026 ᓄᓇᕗᒻᒥ ᑐᑭᓯᒋᐊᕐᕖᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒥᑦ ᖃᐅᔨᓴᕐᓃᑦ (NU NEIHR) ᑮᓇᐅᔭᖅᑖᔅᓴᒫᑦ ᑐᓂᐅᔭᖃᑦᑕᕋᔭᖅᑐᑦ $20,000 ᐊᑕᐅᓯᕐᒧᑦ ᐃᓕᓐᓂᐊᖅᑎᒧᑦ ᐱᔭᕇᖅᑐᒧᑦ ᐃᓄᒻᒧᑦ ᐱᓕᕆᔪᒪᔪᓂᒃ ᓄᓇᕗᒻᒥ ᑐᑭᓯᒋᐊᕐᕖᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒥᑦ ᖃᐅᔨᓴᕐᓃᑦ (NU NEIHR) ᐱᓕᕆᔪᒪᔪᓂᒃ ᓄᓇᓕᓐᓂᑦ ᖃᐅᔨᓴᖅᑐᓕᕆᓂᕐᒥᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂ. ᑖᓐᓇ ᑭᖑᕚᕆᔭᐅᔪᓄᑦ ᖃᐅᔨᓴᖅᑎᓄᑦ ᐃᓕᓐᓂᐊᖅᑎᑕᐅᓯᓐᓈᖃᑦᑕᕐᓗᓂ, ᐊᔾᔨᐅᖏᑦᑐᓂᒃ ᐃᓕᖅᑯᓯᐅᔪᓂᒃ, ᐊᒻᒪᓗ ᖃᔨᐅᓴᖅᑐᓕᕆᓂᕐᒥᑦ ᐱᓕᒻᒪᔅᓴᑲᓐᓂᕈᒪᔪᓄᑦ ᐊᖅᑯᑎᖃᑦᑎᐊᖁᓪᓗᖏᑦ ᓄᓇᕗᑦ ᓄᓇᖓᓐᓂ.
ᐱᔪᓐᓇᖅᑐᑦ ᖃᔨᐅᓴᖅᑐᓕᕆᓂᕐᒥᑦ ᒪᑯᐊᖑᔪᓐᓇᖅᑐᑦ (ᐃᓱᖃᕐᒥᓇᑎᓪᓗ): ᓄᓇᒥᑦ ᐃᓕᓐᓂᐊᕈᑎᓂᒃ ᐱᔭᕇᖅᓯᓗᑎᑦ, ᐃᓄᐃᑦ ᖃᐅᔨᓴᖅᑐᓕᕆᓂᕐᒧᑦ ᐃᓕᖅᑯᓯᐅᔪᓂᒃ, ᑕᑯᔅᓴᐅᔪᓂᒃ ᐱᓐᖑᐊᕐᓂᕐᒥᑦ ᑕᑯᔅᓴᐅᑎᑦᑎᓗᑎᑦ, ᓄᓇᓕᓐᓂ ᐊᐅᓚᑕᐅᔪᓂᒃ ᑲᒪᑦᑎᐊᕐᓂᕐᒧᑦ, ᓯᓚᕐᔪᐊᒥ ᐱᓕᕆᖃᑎᖃᕐᓗᑎᑦ ᐊᓯᖏᓐᓂ ᐅᑭᐅᖅᑕᖅᑐᒥ ᓄᓇᓕᓐᓂᑦ. ᑮᓇᐅᔭᑦ ᑐᕌᖓᔪᑦ ᖁᕝᕙᕆᐊᖅᑎᑕᐅᒃᑲᓐᓂᖁᓗᒋᑦ ᐃᓄᓐᓄᑦ ᐊᐅᓚᑕᐅᔪᓂᒃ ᖃᐅᔨᓴᖅᑐᓕᕆᓂᕐᒥᑦ ᐊᒻᒪᓗ ᐊᑯᓂᒧᑦ ᐱᔪᓐᓇᐃᓐᓇᖁᓪᓗᒋᑦ.
ᐱᔪᓐᓇᖅᑎᑕᐅᔪᑦ:
ᐱᔪᓐᓇᖃᑕᐅᓗᓂ, ᑐᔅᓯᕋᖅᑐᖅ ᐃᒪᐃᑦᑑᒋᐊᓕᒃ:
• ᓄᓇᕗᒻᒥ ᐊᑎᖃᖃᑕᐅᓗᓂ ᓄᓇᑖᕈᑎᓂᑦ; ᐊᒻᒪᓗ
• ᐊᑎᓕᐅᖅᓯᒪᔪᖅ, ᐅᕝᕙᓘᓐᓃᑦ ᐱᓇᓱᐊᖅᓯᒪᔪᖅ, ᐃᓕᓐᓂᖏᓐᓇᕐᓗᓂ (ᐸᐃᑉᐹᕐᒥᑦ ᐱᔭᕇᕈᑎᒥᑦ ᐃᓱᓕᑦᑎᒍᑎᒥᓪᓘᓐᓃᑦ) ᑲᓇᑕᒥ ᐃᓕᓐᓂᐊᕐᕕᓐᓂᑦ.
ᖃᓄᖅ ᐱᓇᓱᐊᕈᓐᓇᕐᒪᖔᖅᐱᑦ:
ᐱᔭᕇᕐᓗᑦ ᐱᔪᒪᔾᔪᑎ ᑎᑎᖅᑲᒥᑦ ᐱᖃᓯᐅᔾᔨᓗᑎᑦ ᐃᒪᐃᑦᑐᓂᑦ:
ᓂᕈᐊᖅᑕᐅᓂᖏᑦ:
ᑐᔅᓯᕋᖅᑐᑦ ᕿᒥᕐᕈᔭᐅᓂᐊᖅᑐᑦ ᐸᖅᑭᔭᒥᒃ ᓈᓚᖕᓂ ᓄᓇᕗᒻᒥ ᑐᑭᓯᒋᐊᕐᕖᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒥᑦ ᖃᐅᔨᓴᕐᓃᑦ (NU NEIHR) ᐊᐅᓚᑦᑎᔪᓄᑦ ᑲᑎᒪᔨᕋᓛᓄᑦ, ᑐᑭᒧᐊᖅᑕᐅᓗᑎᑦ NEIHR −ᓄᑦ ᐊᐅᓚᑦᑎᔨᒧᑦ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ:
ᓯᐴᓚ ᒨᓐᔅ
ᐊᐅᓚᑦᑎᔨ ᓄᓇᕗᒻᒥ NEIHR−ᑯᓐᓄᑦ
ᖃᐅᔨᒋᐊᖅᑏᑦ ᐋᓐᓂᐊᖅᑐᓕᕆᓂᕐᒥᑦ ᖃᐅᓴᕐᕕᒃ
ceporah.mearns@qhrc.ca
ᐃᑲᔪᕈᒪᑦᑎᐊᕋᑦᑕ ᐃᓄᓐᓂᑦ ᐱᔭᕇᖅᑐᓂᒃ 2026−ᒥ ᐅᖓᑖᓄᒃᑲᓂᒻᒪᕆᓪᓗ ᐱᓗᑎᑦ!
(Slot for posting opportunities for graduate students)
The NEIHR Program (Network Environments in Indigenous Health Research) is funded by the CIHR’s Institute of Indigenous Peoples’ Health.
For more information on the NEIHR program, visit CIHR’s website.
