ᑐᕌᖅᑕᑦ ᐱᔨᑦᑎᖅᑕᐅᓂᐊᖅᑐᑦ: ᐅᑭᐅᓖᑦ 9-12-ᓄᑦ
ᒪᑭᒪᐅᑎᒃᓴᑦ ᐃᓕᓐᓂᐊᕈᑏᑦ ᒪᓕᑦᑐᓂᑦ ᓄᓇᓕᓐᓅᖓᓪᓗᑎᑦ ᐊᒻᒪᓗ ᐊᓯᖏᓐᓂ ᐱᕙᓪᓕᐊᑎᑦᑎᓂᕐᒥᑦ ᓱᕈᓯᕐᓂᑦ 9−ᓄᑦ 12−ᒧᓄᑦ. ᑖᓐᓇ ᐋᖅᑭᓱᖅᓯᒪᔪᖅ ᖃᐅᔨᒪᔭᐅᓪᓗᓂ ᐸᖅᑭᑦᑎᓂᕐᒥᑦ ᐃᓅᓱᑐᓂᑦ ᐃᒻᒥᓃᖅᑎᑦᑎᑦᑕᐃᓕᒪᓂᕐᒧᑦ ᓴᖅᑭᔮᖅᑎᑦᑎᓂᖅᓴᐅᓪᓗᓂᓗ ᐃᓅᓯᖃᑦᑎᐊᕐᓂᕐᒥᑦ.
ᐋᖅᑭᑦᑕᐅᓚᐅᖅᓯᒪᔪᖅ, ᖃᐅᔨᓴᐅᑎᐅᓪᓗᓂ ᕿᒥᕈᔭᐅᒋᐊᖃᖅᑐᓂᓗ ᑕᐃᑲᓂ 2010-2015−ᒧᑦ. ᒪᑭᒪᐅᑎᒃᓴᑦ ᐃᓕᓐᓂᐊᕈᑎ ᒪᓕᓂᑦᑐᖅ ᓇᓗᓇᓐᖏᑦᑐᓂᑦ ᐃᓕᖅᑯᓯᐅᔪᓂᑦ ᐃᑲᔪᖅᑐᐃᓂᕐᒥᑦ ᐃᓄᓐᓂᑦ ᐃᓐᓇᕈᖅᐸᓪᓕᐊᔪᓂᑦ ᐃᓱᒪᒃᑯᑦ ᐊᑲᐃᓪᓕᐅᕈᑎᖃᖅᑐᓂᑦ, ᐋᖅᑭᑦᑕᐅᓚᐅᖅᓯᒪᔪᖅ ᖃᐅᔨᓴᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᖅᑎᓂᑦ ᐊᒻᒪᓗ ᐅᖃᓕᒫᒐᖅ ᓴᖅᑭᖅᑕᐅᓪᓗᓂ ᓯᓚᕐᔪᐊᓕᒫᒥᑦ ᓄᓇᖃᖅᑳᖅᑐᒥᓃᑦ ᐋᓐᓂᐊᖅᑕᐃᓕᒪᓂᕐᒨᖓᔪᓄᑦ.
ᒪᑭᒪᐅᑎᒃᓴᑦ ᐃᓅᓱᑦᑐᓄᑦ ᐊᐅᓪᓚᕈᔾᔨᓂᕐᒧᑦ ᒪᕐᕉᓐᓂᒃ ᐃᓕᓴᐃᔨᖃᖅᑐᑎᒃ ᐱᓇᓱᐊᕈᓰᓐᓄᒃ ᒪᕐᕉᓐᓄᒃ ᐊᐅᓪᓚᕈᔾᔭᐅᓯᒪᓪᓗᑎᑦ, ᓄᓇᒦᒋᐊᖃᕐᓂᖏᓐᓂᓪᓗ ᒪᕐᕈᕐᔪᐊᓐᓂᒃ ᐅᓐᓄᐊᓐᓂᒃ. ᐱᓇᓱᐊᕈᓰᓐᓂᒃ ᒪᕐᕉᓐᓂᒃ ᐊᑐᓕᖅᑎᑕᐅᓯᒪᓐᖏᓐᖔᕐᓗᓂ, ᑭᓯᐊᓕ ᐱᕕᔅᓴᐅᓐᓂᖏᑉᐸᑦ, ᒪᑭᒪᐅᑎᒃᓴᖅ ᐃᓕᓐᓂᐊᕈᑎᒃ ᓄᖅᑲᖓᔪᓄᑦ ᐃᓕᓐᓂᐊᖅᑎᓄᑦ ᐅᑭᐊᔅᓵᒃᑯᑦ ᐅᑭᐅᒃᑯᓪᓗ ᐊᑐᐃᓐᓇᐅᑎᑕᐅᖔᕐᓗᓂ, ᐅᐱᕐᖓᓵᒃᑯᑦ ᐊᐅᓪᓚᕈᔾᔭᐅᓯᒪᖔᕐᓗᑎᑦ. ᑕᒪᓐᓇ ᑲᔪᓯᑦᑎᐊᖅᓯᒪᔪᖅ, ᓱᓕ ᒫᓐᓇᒧᑦ ᖃᐅᔨᓴᖃᑦᑕᑦᑕᕋᓗᐊᕗᑦ.
ᒪᑭᒪᐅᑎᒃᓴᑦ ᐃᓕᓐᓂᐊᖁᑎᒃ ᒪᕐᕉᓐᓂᒃ ᐃᓕᓴᐃᔨᖃᖅᑐᑎᒃ ᐃᓕᓐᓂᐊᖅᑕᐅᖅᑳᕆᐊᓖᑦ ᖃᐅᔨᒋᐊᖅᑎᓄᑦ. ᑕᒫᓂᖃᐃ ᑕᓪᓕᒪᓂᑦ ᖁᓕᓄᑦ ᐃᖅᑲᓇᐃᔭᖅᑎᖃᖃᑦᑕᕐᓗᑎᑦ ᓄᓇᓕᓐᓂᑦ (ᐅᕝᕙᓘᓐᓃᑦ ᓄᓇᓕᓐᓂ ᐃᖅᑲᓇᐃᔭᖅᑎᒥᑦ ᐊᒻᒪᓗ ᐃᑲᔪᖅᑐᐃᔨᒥᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖃᖓᓂ ᐃᓐᓇᒥᓪᓘᓐᓃᑦ) ᐊᒻᒪᓘᓐᓃᑦ ᐃᓕᓐᓂᐊᕕᔾᔪᐊᕐᒥᑦ ᐃᓕᓐᓂᐊᖅᑎᒥᑦ ᓄᓇᓕᓐᓂ ᐊᑐᓂ ᖃᐃᖁᔭᐅᓯᒪᔪᓂᑦ ᐱᖃᑕᐅᑎᑦᑎᓗᑎᑦ ᐃᓕᓐᓂᐊᖃᑕᐅᓂᐊᖅᑐᓂᑦ. ᐃᓕᓐᓂᐊᑎᑦᑎᖃᑦᑕᕐᒥᔪᒍᑦ ᐃᓕᓐᓂᐊᕕᔾᔪᐊᕐᒥᐅᑕᕐᓂᑦ ᐃᖅᑲᓇᐃᔭᖃᑦᑕᖅᑐᓂ ᓄᓇᓕᓐᓂᑦ.
ᖃᐅᔨᒋᐊᕈᓐᓇᖅᑐᓯ ᐊᑭᔅᓴᕆᒐᔭᖅᑕᖏᓐᓂ!
